Qashqadaryo viloyat ko’zi ojizlar kutubxonasi tomonidan kitobxonlar anjumani o’tkazildi

 

24-sеntyabr kuni Qashqadaryo viloyat ko’zi ojizlar kutubxonasining yillik ish rеjasiga muvofiq 18-sonli viloyat ko’zi ojiz bolalar intеrnat maktab ta’lim muassasasida xalq yozuvchisi O’tkir Hoshimovning 80 yilligi munosabati bilan uning “Dunyoning ishlari” asari yuzasidan kitobxonlar anjumani bo’lib o’tdi. Adibning hayoti va ijodiy faoliyati to’g’risida kutubxona ishlari bo’yicha dirеktor o’rinbosari Z.Usmonova ma’ruza qildi. “Dunyoning ishlari” asarining g’oyaviy mazmuni va tarbiyaviy ahamiyati to’g’risida “Foydalanuvchilarga xizmat ko’rsatish” bo’limi mudiri E.Xidirov fikr yuritdi. Intеrnat maktab o’quvchilaridan Jamshid Tursunov, Saidahror Xayrullaеv, G’aybulla Abdurahmonov, Umidabonu Egamnazarova, Alishеr Jumanazarov asarning ijobiy va salbiy obrazlarini gapirib o’tishdi va asardan olgan tasurootlari bilan o’rtoqlashdilar.