РЕСПУБЛИКА МАРКАЗИЙ КЎЗИ ОЖИЗЛАР КУТУБХОНАСИГА ТАШРИФ

Жорий йилнинг 20-сентябр куни Республика марказий кўзи ожизлар кутубхонасига Республика марказий кўзи ожизлар кутубхонаси фаолияти билан яқиндан танишиш мақсадида Қозоғистон Республикаси Маданият ва спорт вазирлиги ҳузуридаги “Республика кўзи ожиз ва заиф кўрувчи фуқаролар кутубхонаси” рахбарияти директор А.К.Байузаков бошчилигида ташриф буюрди.
Қозоғистон Республикаси Маданият ва спорт вазирлиги ҳузуридаги “Республика кўзи ожиз ва заиф кўрувчи фуқаролар кутубхонаси” рахбарияти Республика марказий кўзи ожизлар кутубхонаси ҳодимлари билан биргаликда ногиронлиги бўлган шахсларга ахборот-кутубхона хизмати кўрсатилиши, китобхонларга сифатли ахборот-кутубхона хизматини йўлга қўйиш учун мукаммал шарт-шароитлар яратилиши, моддий-техник базаси, бўлимлар фаолияти, овоз ёзиш студияси, кўзи ожиз китобхонлар учун чоп этилган китоблар ва Брайль шрифтида китобларни чоп этишга мўлжалланган типография фаолиятини ўрганди.
Долзарб учрашувда кўзи ожиз ва заиф кўрувчи китобхонлар учун шароитлар яратиш, тифлокутубхоначилик ва тифлобиблиография соҳалари бўйича ҳамкорликни йўлга қўйиш, кутубхоналараро ҳамкорлик меморандуми имзоланиши бўйича чора-тадбирларни амалга оширилишига келишиб олинди.