Navbahor tuman Axborot -kutubxona markazida

 

Navbahor tuman Axborot -kutubxona markazida “Kutubxona faoliyatini rivojlantirish aholi o‘rtasida kitob mutolaasi va kitobxonlik madaniyatini oshirish” mavzusida seminar o‘tkazildi

2021 yil 20 avgust kuni Navbahor tuman Axborot -kutubxona markazida “Kutubxona faoliyatini rivojlantirish aholi o‘rtasida kitob mutolaasi va kitobxonlik madaniyatini oshirish” mavzusida seminar o‘tkazildi. Seminarda Respublika Ma’naviyat va ma’rifat markazi tuman bo‘linmasi rahbari A. Abduhalilov, viloyat AKM xodimlari, tumandagi barcha umumta’lim maktab, Navbahor tuman ko‘zi ojizlar kutubxonasi kutubxonachilari ishtirok etishdi. Seminar davomida 11- son Bolalar musiqa va san’at maktab o‘quvchilari hamda 1-umumta’lim maktab o‘quvchilari tomonidan tayyorlangan “Mustaqillik-baxtimiz, saodatimiz” mavzusida adabiy-badiiy kecha o‘tkazildi. Tadbir davomida tuman sport qo‘mitasi a’zolari o‘z chiqishlarini namoyish etdi. Seminarni Axborot-bibliografiya xizmat ko’rsatish bo’limi mudiri I. Urakbayeva olib bordi.