Surxondaryo viloyat ko’zi ojizlar kutubxonasi tomonidan “Eng yaxshi kitobxon oila” Respublika ko’rik-tanlovining viloyat bosqichi o’tkazildi

 

2021 yilning 2-9 avgust kunlari Surxondaryo viloyat ko’zi ojizlar kutubxonasi tomonidan nogironligi bo’lgan kitobxon oilalar o’rtasida “Eng yaxshi kitobxon oila” Respublika ko’rik-tanlovining viloyat bosqichi onlayn tarzda bo’lib o’tdi. Tanlov g’oliblarini mukofotlash va taqdirlash tadbiri 2021 yil 12-avgust kuni Surxondaryo viloyat ko’zi ojizlar kutubxonasi o’quv zalida o’tkazildi. Taqdirlash marosimida Surxondaryo viloyat Madaniyat boshqarmasi boshlig’i Qurbonmurod Amanqulov, O’ZKOJ Surxondaryo viloyat bo’limi raisi Shuhrat Xudoyqulov ishtirok etdi. Tanlov g’oliblari tadbir tashkilotchilari tomonidan diplom va esdalik sovg’alari bilan taqdirlandi. Tanlov natijalariga ko’ra Qiziriq tumanidan ishtirok etgan Qurbonovlar oilasi faxrli birinchi o’rinni egallab, tanlovning Respublika bosqichida ishtirok etish huquqini qo’lga kiritdi.